القدس ينادينا

القدس ينادينا
انا مقصر من ناحيه القدس سامحنى يارب

الخميس، 15 يوليو 2010

فضفضه (الطققان)

\ملحوظه  المووضوع كبير وملغبط احسن لك ما تدخلش
سلام



السلام عليكم
تلوقتى لازم افضفض
وارجع قبل ما اتلغبط
مش هلعن واسب فى الزمن واهله\

وانا عارف الغلط فين
انا عملت مدونه باحث علشان  شويه كلام انا معتز بيهم
وباكتب منهم كل شويه بس الدماغ باظت وساحه
مبقاش ممكن  نكتب من تانى
والمدونه دى عملتها علشان اعرف افضفض
واكتب وابعبع بس لاقيت ناس افضل منى
بكتير بتكتب وتعبر
عن اللى بيكتبوه  بس
 عرفت
فعلا من عالم المدونات انه عالم معظمه مثقفين مكتأبين
منغلقين شويه ممكن مش عارف معظمه كأبه زى ما انا  بأكتب
بس فى ناس جديره بالاحترام والتقدير
وناس كتيره محتاجه  مساعده ولو بكلمه
وناس تانيه حياتها فى الكى بورد بتاعها
متقدرش تستغنى عنه
وناس تانيه لازم تكتب يوميتها اندهشت طبعا من ناس كتيره ومن الحملات اللى بتتعمل وكمان اكتشفت ان المدونات عالم احسن من الفيس بوك بكتير
النفاق موجود بس مش سايح على بعضه زى السلطه بس هنعمل ايه  مجبر اخاك لا بطل
عرفت انى لازم اسيب الامور لله اقولكم على حاجه
شوفت
 النهارده فليم واحد من الناس بتاع  كريم عبد العزيز
ومنه شلبى
ولم شال المسؤليه على كتافه وانه  لازم يشهد بالحق
رغم ان شهادته دى هتضيع منه مراته
وسابها على الله بس حقه ماسبهوش
عارف انه كله كلام   فى كلام وافلام فى افلام بس ده عاوز يقولك كلام خطير اللى زى الناس الكبار دول كتير واحنا (اقصد انا وامثالى )صغيير ين   قوى
تأثرت
 بموضوع الحقد والمال وحب المال اللى فى مدونه نفسى تفرح بيا يارب
وعجبنى تعليق الاخت ندى الياسمين
انه احتجاج على وضع غلط
بس انا ممكن اكون مكان كريم  فى الفليم
يا ترى هقدر اشيل المسؤليه ؟
انافاكر
كان فى مدونه حلوة مش عارف صاحبتها  قفلتها ليه مش عارف انتم عارفينها ولا لآ
اسمها (مجرد بنت )
كانت بنوته  والدتها توفيت وشالت المسؤليه بدرى وتأثرت بوفاه امها كتبت موضوع غايه فى الروعه على رأيها فى الزواج
وان الشباب الايام دى خيخه وملهومش لازمه
المدونه انا ضايفه  فى القايمه بتاعتها فى باحث بس المدونه مقفوله قالت ان المسؤليه المفروضه على كل شاب لازم  يشيلها من اخلاق وشغل ومسؤليه ورجوله الايام
دى مش موجوده
انا معاها بالطبع
انا لما طقت فى دماغى
لما نزل فليم الف مبروك قلت لازم اشوفه رحت وسط البلد
وما ادراك ما وسط البلد شوفت طبقه تانيه  من الشعب
خالص شباب نازل علشان يضيع فى الفلوس انا مش حاقد عليهم انا عن نفسى دخلت الفليم ده تلات مرات
وكل ما اشوفه اضحك وابكى  فى نفس الوقت خصوصا فى اخر الفليم
(ان تكون حاضر غائب خير ان تكون غائب حاضر )
مش عارف انا بقول الكلام ده ليع اقولكم ليه شعارى مش هجمع كل الشباب معايا علشان اكيد
فى ناس احسن منى بكتير
الابطال فى الافلام  والمسلسلات
فارس بلا جواد
وغيره انا ليا فى العربى بس الاجنبى
معرفش اسامى حد
المهم  ليه بعت انا عن الدين انغمست فى المدنيه ليه
الدين عندى
ليه ماكانش قدوتى ولا مثلى الاعلى سيدنا الحسين رضى الله عنه وال البيت لما حاربوا يزيد
وليه متأثرتش بسيدنا على فى التحكيم مع سيدنا معاويه وسيدنا ابو موسى الاشعرى وسيدنا عمرو بن العاص رضى الله عنهم اجمعين
ليه  بعت قوى عن الدين كده انا
الحمد لله بصلى وبأقرا القران والحمد لله رب العالمين
بس العبره مش بالكم  لآ العبره بالكيف
برضوا معلش دى فضفضه طويله شويه بس اللى عاوز اقوله
لازم 
نرجع ممكن نصحى نلاقى
الموت فوق رأسنا
والابتلاء والبلاء مش مقصورين على العصاه ولا حتى الكفار ولا حتى الاتقياء الانقياء
بس
ممكن اى حد  يحصل ليه زى اخويا عصامم حادث كبير كده  لا قدر الله
والله عمرى ما شوفت حاجه وحشه من اخويا ابدا
الحمد لله
عجبنى
 الاعلان اللى فى روتانا
هذه كانت حياتى وهذه اختياراتى فعلا
حياتى فين ورحت فين
نكمل الخميس القادم
ان شاء الله

هناك 15 تعليقًا:

mrmr يقول...

صباح الفل يا محمود
ايه الفضفضه الجامده دى
طيب انا لسه مفتحا عنيا استنالى شويه افوق علشان اعرف اركز واعلق فى صميم الموضوع
انا حبيت اصبح دلوقتى بس
صباحك قشطه

ساسو يقول...

بحجز مكان وراجعه تاني

ساسو يقول...

جمعه مباركه عليك يامحمود

أتنين حبيبين يقول...

صباح الخير

جمعه مباركه عليك وعلى الامه الاسلاميه جمعاء
ربنا يبارك فيك ويقويك ويعنيك ويثبت اقدامك
بصى ياسيدى مش شرط ان تكون صاحب مدونه انك تكون كاتب او شاعر او او الخ الخ ............................
التدوين ده او انك تعمل مدونه تعبر عنك
اكتب فضفض اى شىء كأنك على الفيس بوك بالظبط الفيس بوك ده عليه عالم سافله وقليلة الادب وبيجرى ورا شهواتهم وكلام فارغ كتير
انما المدونه ده ابسط حقوقنا مش تكتي اشعار اى شىء يخطر فى بالك عبر بيه
سواء فرح حزن مناسبه نجاح اى شىء منقول دينى عشان كلنا نستفيد
ربنا معاك ويكرمك خير
ومتاخدش فى بالك اكيد انت احسن من غيرك بكتيررررررررررر اووووووووووووووووى

تحياتى ليك

توتا

BNT ELISLAM يقول...

بصراحه اول مره ادخل هنا يامحمود
المشكله صدقنى مش فى اى حد حوليك
المشكله فى نفسك انت وبس اللغبطه الى عندك ممكن تتصلح لو فكرت فيها واحده واحده مش كله مع بعضه
احساس وصلنى من كلامك
ان الدنيا كلها على بعضها
الله اعلم صح ولا غلط



بس بجد ربنا معاك

ومعايا

باحث عن حب يقول...

مرمر
صباح الفل والياسمين
كمان
صباح عثل نحل مصفى
روحى بقه اضربيلك طبق فول بالسمنه البلدى
كده وميه ميه
الف هنا وشفا
ههههههههههههههههه

باحث عن حب يقول...

ساسو
جمعه مباركه عليكى ساسو

باحث عن حب يقول...

ساسو
مستنييييييييييييكى

باحث عن حب يقول...

توتا
يارب يبارك فيكى يارب
فاضل 3جمع وندخل على رمضان كل سنه وانتى طيبه دااااااايما
الحمد لله
فى حكمه جميله بتقول يا توتا
(لا تنظر الى الهالكين كيف هلكوا ولكن انظر الى الناجين كيف نجو)
منورانى دايما

باحث عن حب يقول...

بنت الاسلام
المووضوع عمل كده زى السلطه
لسه
هفصلها عن بعضها وارتبها كفايه النيه رغم انها لا تكفى لوحدها لازم عمل دؤب للتغير
\والا(يا أيها الذين امنوا لما تقولون ما لا تفعلون كبر مقتا عند الله ان تقولو ما لا تفعلو)\
منورانى دايما
وحده وحده هتغير
ان شاء الله

موجة يقول...

زيارتي الاولى لمدونتك
تسرني زيارتك
خالص تحياتي
موجة

باحث عن حب يقول...

بارك الله لك اخى العزيز
زياره
جميله
من قلب جميل
شكرا لك

مدحت محمد يقول...

احسن حاجة انك تفضفض
ومتكتمش فى نفسك حاجة ههههههههه

المهم بالنسبة لتعليقك عندى انا صدقنى مش بجادل نصارى خالص

بس هو مجرد تبادل معلومات
عمرى ماحطيت فى دماغى اخلى مسيحى يبقى مسلم

لان ده من عند ربنا
ودايما دعائى لاى حد مسيحى بقلهاله دايما وهو مبياخدش باله
يارب تسلم

اما انا صدقنى مش بدخلا معاهم فى جدال

وعمرى ماقلت لحد مسيحى مثلا ان الاحد اللى انت بتحتفلو بيه هو الله

باحث عن حب يقول...

مدحت محمد

انا والله كل ما اخشاه ان نجادل بلا لا نعلم
لانه اخى الحبيب علم علم مقارنه الاديان وانا ازهرى ولكنى لا استطيع فعل ذالك
اتفهم انك لا تقصد المجادله ولكن للتذكره
اخواننا المسيحيين هم اهل ذمه عندنا ولهم مالنا وعليهم ما علينا
وعلينا ان نحسن معاملتهم طبعا
اما الدعوه الى دين اللى بالاعمال والافعال
طبعا
وممكن تلاقى مسيحيى اخلاقه احسن من المسلم والعكس
تبادل معلومات عادى
لازم نعرف بس مياثرش على عقيدتنا
لان لكل واحد عقيده من الصعب يغيرها طبعا
منورنى
وان شاء الله معرفه خير

علاء المصرى يقول...

محمود باحث عن الحب
================*
يا صديقى أنا زعلان علشان مش عارف
أخبارك أية وأنت ما بتعديش علية بس
أحنا أصحاب أكيد ****

بخصوص التدوينة الجامدة دى

يبقى أنا لازم أبقى جنبك علشان موضوع العيش و الحلاوة ههههههههههههه

بهزر معاك أوعى تزعل

 
Copyright © الشهاب