القدس ينادينا

القدس ينادينا
انا مقصر من ناحيه القدس سامحنى يارب

الخميس، 5 أغسطس 2010

مسكت القلم وقلت اشخبط



الحياه  بحلوها ومرها لازم نعيشها
بمأسيها بكل ما فيها لازم نعيشها
بس ياريت نعيش الواقع
ونبعد حبه عن الاحلام
بس لا ننسى اننا
من غير
الاحلام
مانقدرش نعيش
ولا نتنفس
اتذكر موقف حدث لى فى الصف الثالث الثانوى  السنه دى غيرت جوايا حاجات كتير
وممكن تكون نقطه تحول
اتمنى من الله ان يكون  هناك فى حياتى نقطه تحول مثلها

طبعا
التقوى والورع اسأل الله ان  يكون  لوجهه الكريم
والصلاه   فى المسجد اللى انا بجد مقصر فى صلاه الجماعه
الايام دى
بس زمان
كنت دايماا بأصلى فى جماعه كل وقت فى مسجد تانى
وصلاه الفجر ليها طعم تانى
خالص عندى (التفاصيل عن زمان فى بوست ان شاء الله فى مدونتى باحث عن حب )
المهم 
ارهقت من نفسى فى يوم 
تعاملت مع كل الناس وحش خالص
واتخانقت فى البيت
وكل زملائى زعلو منى
 مش عارف ايه اللى حصلى
بس
حسيت  بتأنيب ضمير بجد  ماما كانت زعلانه منى خالص وبابا كمان

قمت  صليت الفجر فى مسجد  من المساجد  فى جرجا اسمه مسجد _(الشيخ عياش)

وركبت العجله(الدراجه)
ولفيت بلدنا كلها وانا اعيط
كنت حساس قوى لدرجه  كبيره  خالص
اعيط
وانتابنى وصله من البكاء المتواصل  وانا فوق الدراجه
ورأيت شريط حياتى  امام عينى
كلنا لينا ذنوب  واحنا صغيرين
كدبه نظره 
كده غيبه نميمه  والذنوب بتكبر واحنا معاها وبتتطور زى الحاجه الساقعه

المهم
قلت  ياااااااااااه انا وحش خالص خالص

واقعت ابكى على اللى عملته  فى حياتى

وبعدين وصلت البيت
احاسب نفسى بجد
ومسكت ورقه وقلم
ومن هنا عرفت
ارسم خطوط حياتى
ازاى اتعامل وافكر واتكلم  مع الاخر
وازاى اراقب ربنا فى تعاملاتى وافعالى
بجد
ساعدنى على كده فى هذه الايام كتابانصح
الجميع  بقرأته
(احياء علوم الدين)
للعلامه الغزالى الله يرحمه
رغم كل اللى قرأته عن الكتاب
بس فظيع  فى موضوع المحاسبه والمراقبه
وبالفعل صالحت امى وابى
واتصلت  باصحابى
والحمد لله صلح حالى
بفضل الله
ياريت الايام دى ترجع تانى
عرفت بقه ايه الايام دى
عرفت انى زمان
كنت نقى صافى صفحه بيضاء لسه مفهاش اطماع  واحلامى كانت صغيره
خالص
خالص وصدقت مع ربنا
وربنا اعطانى
تلوقتى باحاول اكتب واخطط بس
مفيش صدق ولا اخلاص
ولا حاجه خالص
انا عارف لازم اراده  وربنا هيدينى
ان شاء الله
الدنيا حلوة خالص
بس لما اكون بجد فى طاعه  وبتكون وحشه  لما باعمل حاجه وحشه 
اللى انا باستغرب منه ان  فى ناس كتير بتعمل حاجات وحشه انا باستنكرها
بس  هما مش عارفين يفرقوا بين الحلو ووالوحش
بين الغث والثمين
باحمد ربنا اننى بأميز
شخبط شخابيط
حاسس ان  فى ناس من اللى هيدخلوا هنا مش هيفهمونى
لانى نفسى بجد
الاقى اللى يفهمنى
واسيبكم للفضفضه اللى جايه
وكل عام انتم  بكل خير

هناك 8 تعليقات:

ديالا يقول...

انا برضه من رأيك مينفعش غير من غير احلام

لاننا لو تمسكنا بحلم اوي

ودعينا ربنا اوي وباخلاص هيتحقق

بس اهم حاجه منتخلاش عن حلمنا

لاننا لو سبناه هو من قبلنا هيسبنا


وكل سنه وانت طيب

ساسو يقول...

محمود
عندك حق
الحياه بحلوها ومرها لازم نعيشها
مهما حصل لنا في الحياه
نقوي
ويكون عندنا صبر وقوه تحمل
وأهم من كل دا
ايمان بربنا سبحانه وتعالي

ومحاسبه النفس اهم حاجه
لما تحاسب نفسك علي كل صغيره وكبيره
وتوصل للصح وتعمله
بجد هتحس براحه جامده أوي

ورضا الام والاب من رضا ربنا سبحانه وتعالي
دعواتهم الجميله
هي اللي بتدينا طاقه
وقوه تحمل

وانت انسان جميل
ربنا مش هيسيبك
مدام قلبك صافي
سيبها علي الله




ربنا معاك

ويوفقك

ويديك كل جميل

رحاب صالح يقول...

محمود ليه مش هنفهمك ...؟ بالعكس كل واحد حساس هيدخل هنا هيفهمك اووي
وانا فهمتك واحيانا بقول لنفسي يا ريتني فضلت البنوته الصغيرة الشقيه الهادية اللي مكنتش تعرف حاجة غير بس قصص الاطفال ومتعرفش حاجة عن عالم الكبار اللي كان نفسها تدخله ولما دخلته رجعت تقول يا ريتني فضلت صغيرة
بس بجد كلامك ف وقته تمام احنا داخلين علي رمضان وربنا يكرمنا كلنا رمضان كريم ويارب دايما ف احسن الاحوال

أتنين حبيبين يقول...

السلام عليكم ورحمة الله وبركاته
كلامك جميل وعجبنى كتير
أهى عيشه والسلام بحلوها ومرها
بس الاهم اننا نكون راضين عن نفسنا عشان ربنا يرضى علينا

باحث عن حب يقول...

ديالا

طبعا احنا من غير
ملناش لازوم
ومينفعش نتخلى عن حلمنا ابدا
بس المهم نحلم
كل سنه وانتى طيبه

باحث عن حب يقول...

ساسو
ربنا يعزك
ويبارك فيكى يارب

لازم نخطط لحياتنا
ونعيش ايامنا
ومنستناش
حد

ربنا يبارك فيكى
انتى تستحقين كل خير

باحث عن حب يقول...

رحاب صالح
يااااه لو رجعنا صغننين
تانى ياه
الدنيا تبقى احلى واحلى
نحس بطعم اللعب بجد
نحس بطعم حضن الاب والام بجد
الحمد لله
نورتينى
يا استاذه
الى الامام دوما

باحث عن حب يقول...

توتا
حمدا لله على سلامتك
طبعا
لازم نعيشها
بحلوها وبمرها بس فى طاعه الله
بارك الله لكى فى قلبك

 
Copyright © الشهاب