الشهاب: الجماعه /عايزه اتجوز

الأربعاء، 11 أغسطس 2010

الجماعه /عايزه اتجوز

مرسلة بواسطة باحث عن حب في 9:08 م

السلام عليكم احبابى كل عام انتم بكل خير

طبعا رمضان بالنسبه للاعلام والفضائيات وكبعا مش كلهم

عباره عن

مسلسلات

وطبعا العالم العربى وبما فيهم انا

من متابعى المسلسلات دى طبعا

المهم

انا قلت انى اقاطعها مش هقطع

ظغط نفسى وعصبى

واجتماعى كمان

قلت

اكتفى بمساسلين تلاته

قلت اتابع الجماعه

واتابع كمان

عايزه اتجوز

اكتلم عليهم بسرعه

علشان عارف الوقت بتاع حضراتك

_______________________

الجماعه

الاخوان المسلمين

مسلسل من تأليف وحيد حامد
وكلنا عارفين وحيد حامد وتجربته مع عادل امام
بيلغبط بين الجماعات الاسلاميه والاخوان والسلفيه
وميعرفش الفرق بين التلاته ايه اصلا
لانه لم يعش الواقع
معاهم بيلغبط خالص ومش بيعجبنى بجد بيخلى الانسان زى كده التليفزيون المصرى همه الاول والاخير ان البشر ميفهموش صح
لازم يلغبطوا ولو الشعب فهم تبقى طامه كبرى لازم الناس تتوه يا معلم
انا شوفت حلقتين من المسلسل
وعجبنى الجرئاه اللى فيه
من انهم يجيبوا مبنى امن الدوله اللى فى الحى السادس مدنيه نصر قدام المدينه الجامعيه لجامعه الازهر وكمان انهم يجيبوا العرض العسكرى اللى حصل قدام مبنى رئيس الجامعه فى وقتها الدكتور احمد الطيب
وكمان يجيبوا مبنى الصفا بتاع الطلاب المستبعدين امنيا وده صحيح لان المستبعدين مش بيسكنوا مع الطلاب العاديين
بجد جرأه بس
موضوع انهم فى جامعه عين شمس يولعوا ويرموا جزاجات فيها بنزين ونار ومصادمات بين الطلاب وبعضها
ابدا

اقول رأيى انا معاصر للاحداث دى فى الجامعه عندى من اول العرض العسكرى
لغايه اعتقال الطلاب
من مبنى الصفا
اولا انا مش من الاخوان ولكنى احبهم واميل اليهم فى معظم افكارهم ولكنى اميل الى التصوف اكثر
ده من موضوعنا
العرض العسكرى بيحصل كل سنه
بس اللى زودوها انهم غطوا راسهم
فى العرض ولبسوا كمامات باسم صامدون
ده اللى جننهم
بالفعل حصل اعتقال للاكثر من300طالب من المدينه الجامعه للمستبعدين فى الفجر
فاكرين زوار الفجر وكدع
بعد الاعتقال بدقائق كانت مظاهره عارمه بالمدينه الرئيسه هزت مدينه نصر من الفجر وحتى العاشره مساء
وكمان استمرت المظاهره فى نفس اليوم وعدد غريب من عربيات الامن المركزى وكده
المهم الاخوان مش كده
هما عاوزين يشوهوهم فى عيون الناس
الاخوان عايشين الواقع بتاعنا اكثر من المتهكمين عليهم
واللى بيتهكم ميعرفش مين هو حسن البنا رحمه الله انا مش بدافع عن الاخوان وبس انا عشت معاهم فى الجامعه وسكنت معاهم وكمان جلست الى قيادات بس صغيره فيهم وتناقشت معهم
مين ينكر على القرضاوى او عمرو خالد او وجدى غنيم
مين ينكر على دول
وغيره اخوان مسلمين
مين يقدر انه ينكر على حسن البنا
كلهم بشر
يصيبون ويخطؤن
ظلمومهم بالمسلسل ده بجد
كلمتى شاهده حق
_____________________
عايزه اتجوز

الدكتوره غاده ومدونتها عايزة اتجوز
القصه جميل اكيد
بس عندى تعليق
هند صبرى
مفتعله جدا فى المسلسل
مش طبيعيه واختيارها كان غلط من وجهه نظرى
اناعرفت انها سعت للدور
بس الدور ده مش بتاعهات بس اللى مجمل المسلسل القصه الرائعه
بجد
بس معلش
خيرها فى غيرها
المره اللى جايه يا غاده حد تانى يمثل فى المسلسل غير
هند صبرى
((((__________________))))))))))))
كل عام انتم بخير

هناك 6 تعليقات:

فتــافيت (رحاب الخضري) يقول...: سمعت كتير عن الخرف اللي في الجماعة
وقريت كومنات ناس كتير اخوان عمالين يتريقوا
وبيقولوا قرب يجلهم لل بسبب المسلسل
ولاني معرفش حقيقة الاخوان.. لكن عاصرت تجربة لوحيد حامد مع عادل.. فانا متأكدة انه شوهه الاخوان خالص

عايزة اتجوز... بيجي على قناة ايه والساعة كام يا محمود
عايزة اتفرج عليه وعرفتش اوصله :); 11 أغسطس 2010 في 9:29 م
رحاب صالح يقول...: رمضان كريم
الاول انا الحمد لله مش متابعه ولا هتابع دلوقت اي حاجة هتابع بعد رمضان وفعلا انا سمعت حاجات كتيرة جدا عن المسلسلين وعارفة اكيد اني هلاقي مغالطات جامدة جدا ف الجماعة لانها اكيد من منظور واحد بس اللي هو الكره ليهم وانا مش مع الاخوان ولا حاجة بس بحترم افكار واراء الاخرين وحريتهم ولما اقول عن حد اني متلفة معاه معني كدة انه مش وحش لكنه مثل كل البني ادميين فيه جانب حلو وجانب وحش ....
بالنسبة لعايزة اتجوز انا قريت كتير عنه لكن هند صبري كانت بايخة ومفتعلة جدا الفترة اللي فاتت لدرجة اني حاسة انها بتمثل علي روحها ومش معني ان الكتابة حلوة يبقي هيكون المسلسل حلو ده لازم المنظومة كلها تكون مترابطة
ربنا يستر علي غادة عبد العال م الصدمة لو المسلسل فشل; 13 أغسطس 2010 في 1:01 ص
خابت بك ظنوني يقول...: كل عام وانتم بخير

بغض النظر عن المسلسلات ... الإعلام فعلاً بيشوه الدين اساساً
الملتزم يجي إرهابي
وأي عمل إرهابي ينسب للملتحي والنتقبة دي شخصية سيئة تداري خيبتها التقيلة ورا النقاب

المهم
بما إني معرفش شيء عن واقع الإخوان غير إنهم بيركزوا على السياسة

تميل للتصوف ولا الصوفية ؟؟

انا اعرف تصوفين
التصوف : اللي هو بمعنى الزهد في الدنيا ...

الصوفية : اللي هو التخاريف والبدع اللي ماشية حالياً
وزيادرة سيدنا الحسين والأضرحة والشيخ فلان دا بركة وما إلى ذلك

المهم ... رمضان مبارك

ونحمد الله على نعمة إن مفيش تليفزيون عندنا... الحمدلله; 14 أغسطس 2010 في 12:59 م
♥ ♥ Amira Samy ♥ ♥ يقول...: مسلسل الجماعة أفتراء و كذب
على الأخوان كل الناس عرفة
الأخوان فعلاً المؤلف دى مش بيعرف الاخوان من السلف من غيرهم و مدخل كلة فى بعضة لا و المشلكة ان بتوع امن الدولة هما الناس الكويسة فى كل حاجة فى الأمانة و فى بيوتهم و الأخوان و شباب الأخوان عاقين بس ان شاء الله كل دى حيجى عكس الى هما عوزينة من تشوية لصورة الأخوان و رنا المنتقم
أما عن عاوزة اتجوز فأنا اصلاً مش بحب هند صبرى و لا أية حاجة لية
رمضان كريم أخى; 17 أغسطس 2010 في 6:24 ص
شمس النهار يقول...: الانسان عدو مايجهله
وصدقني الناس بعد المسلسل هيدخلوا النت ويدوروا علي اي شئ يتكلم عن الاخوان

زي ماعملوا في مسلسل الملك فاروق

كل سنه وانت طيب

سلامي; 19 أغسطس 2010 في 2:30 م
وردة الحياه يقول...: كل عام وانتم بالف خير رمضان كريم للجميع; 3 سبتمبر 2010 في 11:32 ص