القدس ينادينا

القدس ينادينا
انا مقصر من ناحيه القدس سامحنى يارب

الاثنين، 20 سبتمبر، 2010

عندما تكون غبيا


السلام عليكم 
باشكر كل اخواتى اللى شرفونى بتعليقاتهم 
فى مدونتى الصغيوره دى
لانى بفضفض فيها 
وابعبع 
من غير قيود ولا كلابشات
علشان كده انا هكتب وابعبع 
وقبل كل ده 
انا باشكر كل اللى  بيستحملونى فى كلامى فى مدوناتى البيسطه خالص دى الى بدخل وباكتب كلام 
لما ادخل عند اى حد تانى 
باعرف انى مش باعرف اكتب خالص 
يارب يكرمكم يارب 
ويخليكم 
حاجه اخيره 
عارف احنا خلاص دخلنا على دراسه 
وشغل وزمن 
الراحه ورمضان والكحك خلص
يارب يدى كل واحد كل ما 
يحبه من الحياه
من خير
____________________________
عندما تكون غبيا

لما تحب واحد بتصارحه
وبتحكى معاه كل حاجه تخصك 

او انت مثلا 

مش عارف ابدا منينؤ او اوصل اللى عاوز اقوله ازاى

دون ترتيب للكلام 
ارتجالا

الناس الاصحاب الزملاء 
طبقات 
ومحدش بيخلى الناس كلهم فى مكان واحد 

ودايما بامشى بالحكمه اللى دايما بتقول
(ليس كل ما يعرف يقال وليس كل ما يقول حان وقته وليس كل ما يقال حان اهله))
يجبرك انك تفكر 
قبل اى كلام تقوله 
هو رايح  فين او جاى منين
وافتكر حديث لسيدنا رسول الله  صلى الله عليه وسلم 
فيما معناه مش حافظ النص لاسف الشديد
(لربما كلمه ينطق بها ابن ادم تهوى به  فى جهنم 70خريفا)
بمعنى 
ممكن كلمه  يتبنى عليها اعتقاد

واحنا ايه تفكرينا مش 
شويه كلام

وايه حكمنا على الناس 
مش شويه كلام  فوق بعض

وايه  يعنى حياتنا 

بسمه وضحكه وحزن  
وغضب 
كله  كلام  فى كلام 

لو كل واحد حاسب على كلامه 

ووزن  قبل ما يقوله  
الدنيا حوليه هتمشى زى الساعه 
 وممكن اكيد هتخبط  فى اللى جنبه 
بس ايه المشكله 

المهم هو تمام 
ميزانه رايح جاى بيه 
محدش ليه حاجه عنده
ولا ايه 
ومن كان الله معه فمن عليه ومن كان الله عليه  فمن معه


انا بقه اتغبيت  فيها خالص خالص 
انا باعز انسان  

بجد 
محترم جدا
جدا وباحب اسمع منه النصايح 
لانه  بجد 
انسان انا شايف انه 
ميه ميه
وحاسس بيه بجد

غباء جدا انى 
اوصل ان  فلان 
اللى بيحبه  قال كذا 
من وراه
مصيبه كبرى
طبعا
مصيبه 

ليه اعمل كده 
اولا قلبه هيتغير من ناحيه اللى اتكلمت عليه
ومش هيكون صافى من ناحيتى 
انا اصلا مش 

باقع  فى الموقف ده
خالص 
وباطلع نفسى 
بحكنه وذكاء
حلوة حنكه  دى

المهم 
انا وقعت ومحدش سمى عليا 
بجد

ونفسى اصلح الغلط ده
ومش عارف اعمل ايه

اعتذرت 
وتاسفت 
وقال لى انا مش زعلان لا منمه ولا منك

حاولت انى اصلح الموقف معرفتش 

خالص 
وحاسس انه اتغير 
من ناحينى 

اللى عاوز اقوله 
محدش يتغابى زى 
ليه؟
اقولكم ليه 
علشا ن
فى ناس بتعمل كده بتبنى نفسها فوق انقاض الاخرين 
من  النقطه دى نبدا
فى ناس كده تبنى نفسها فوق انقاض الاخرين

اخوانى 
انا غبى 
وبجد انا اسف
لو حد زعل منى من غير ماأقصد

هناك 10 تعليقات:

mrmr يقول...

ههههههههه

رحم الله امرء عرف قد نفسه

هههههههههه

انا بهزر اوعى تزعل
عندك حق (بكلامك تتبرر وبكلامك تدان )
احترس من اللسان على قد ما هو عضو صغير لكن يقدر ان يولع عالم كبير

كل سنه دراسيه وانت طيب

موجة يقول...

انا جيت اهو يامحمود
ده طلعت الشهاب دى مدونة
تصدق لما كنت بقراها كنت بحسبه عنوان بوست
هههههههههه
معلشى بقى
عندما كنت غبيه
اتغابيت انا كمان اهو
المهم
عندنا موضوعين نتكلم فيهم
اولهم
انك تفضفض برحتك بالاسلوب اللى يريحك وبالطريقة اللى انت لتعرف تتعامل بيها مش بطريقة حد خالص
وخلى بالك احنا فى مدونة
يعنى تدوين
دون يدون تدوين مدونه مدونات
مجمع طماطم:)
قصدى مجمع لغة عربية
المهم
المقصود انك بتدون اى حاجة انت عاوزها فى الوقت اللى انت عاوزة بالاسلوب اللى انت عاوزة
بمناسبة تكرار كلمة عاوزة كتير
ممكن نسمى المدونة اسم تانى
معوزة
بالشده على الواو
اشطة كده اول كومنت

شمس النهار يقول...

اجمل شئ في الانسان انه يراجع نفسه
ودايما يظبط اللي وقع منه

ودايما الاعتراف بالحق فضيله


تحياتي

موجة يقول...

تانى كومنت بقى
انك فعلا سورى
طلعت غبى
وللاسف الواحد ممكن يغلط غلط سهل تصليحة
بس ممكن يغلط غلطة بفورة
يعنى ماتتصلحش
ماعلش
كل حاجة لازم تتعلم منها
حتى لو غلطة
معلش يا محمود
وماتحاولش تبقى كثير الاعتذار
مااعتقدش ان كثرة الاعتذار تفيد
مرة واحده وشكرا
عشان بس ما تقللش من نفسك مهما كان الشخص اللى بتعتذر له او مهما كان سبب الاعتذار
تحياتى

خابت بك ظنوني يقول...

دايماً الصح بيبدأ من غلطة ... بمعنى عمر ما حد فينا عمل الصح على طول مرة واحدة ...
لازم نغلط الأول ... وحد يعرفنا إن دا غلط والصح كذا ... وبكدا نتعلم .. وأحياناً بنعرف إن دا غلط لما نشوف نتيجته ...

من الموقف دا نتعلم ... إن عمر ما في شيء أعرفه أو سمعته من حد وعن حد أقوله...

يمكن الحياة علمتني الحكاية دي .... مقولش اللي سمعته من حد عن حد ...
ولا ابني حكمي على حد بناء على كلام حد تاني

رغم إني بقع في النقطة دي كتير إلى الآن ...

لكن ... لازم نتعلم

واتفق مع موجة ... لا داعي لكثرة الأعذار ... يكفي مرة واحده وتوضح موقفك وانتهي ... وبعد كدا تصرف بطبيعتك ... والأيام كفيله بحذف آثار الغلطة

شهرزاد يقول...

اهلا بك محمود
الاعتراف بالخطأ فضيله والاعتذار عنه اكبر الفضائل
تذكر دائما قول الحبيب المصطفىصلى الله عليه وسلم
"أحبب حبيبك هونا ما عساه يصير عدوك يوما ما
وابعض عدوك يوما ما عساه يصير حبيبك يوما ما"
صدق رسولنا الحبيب
بالتوفيق زخير الدروس ماتعلمنا منها

همسات وبحــ الحياه ــر يقول...

انت عارف انى مبكتبش تعليق والسلام
انا قريت البوست سريعا على رغم المعاناه اللى عانتها لان الكلام داخل فى بعضه
ونفسى اكتب تعليق وارغى يعنى بس مفياش دماغ خالص
تقبل مرورى
دمت بكل خير

re7ab.sale7 يقول...

شوف يا محمود
الانسان مهما كان خطاء...ومش معني كدة انه لازم يغلط وميصلحش غلطته ....الانسان لو وزن كل كلمه او كل فعل هيعمله الحياة مش هتمشي ...لان الحسابات في الحياة مش زي الحسابات في الرياضة ...الاهم انك تعرف الغلط ومتعملوش تاني ...حاول بقدر الامكان ان تخللي صديقك يعفو عنك وتحاول تحسسه انك فعلا ندمان لان الاسف لو انها كلمة تتقال فقط ملهاش لازمة لازم تحس بالاسف فعلا ...انت غلتط ولازم تصلح غلطك ...وانا مش مع اللي انكسر يتصلح ...لانه ميتصلحش ...لكن ممكن يتبدل ...حاول انك تبدل علاقتك بصديقك بعلاقة اقوي ...وربنا معاك وابقي طمننا عليك

عمرو يسرى يقول...

دائما نتعلم من اخطاءنا
فمن لم يخطئ لم يتعلم

ساسو يقول...

انت مش غبي يا محمود انت انسان جميل جدا
الغلط لازم كلنا نقع فيه
وعلشان تعرف طريق الصح
لازم تعدي علي الغلط
ولما تقع فيه
هتلاقي انسان بيحبك وبيخاف عليك
يعرفك الصح فين
وتحاول انك متقعش فيه تاني
بس لازم الانسان يتعلم من اخطاؤه

واكتر حاجه بتزرع الكره في قلوب الناس
وبتفرق علاقات جميله
هي نقل الكلام
لازم كل واحد يسمع حاجه عن اي شخص
اولا يرد غيبته
يتكلم عليه بالخير
يحاول ان لسانه ميغلطش ولو بحرف واحد
حتي لو سمع كلام وحش في حق حد
مش يروح وينقله الكلام ويشحنه
لأ دا المفروض لو عايز يعمل حاجه بجد
اولا يراعي ربنا في تصرفاته
لو لقا اتنين متخاصمين يحاول يصلح بيبنهم
حتي لو غلطوا في بعض قدامه
يقول لكل واحد ان التاني بيشكر فيه
بيقول وبيقول عليه
يحاول انه يبقي مصدر خير دايما
ويبعد عن الشر وطريقه
بجد هيرتاح
وهيريح ناس حواليه
وهيبقي ربنا راضي عنه اوي

 
Copyright © الشهاب