اسف جدا
على عينى والله انى اسيبكم ومدخلش
عاوز كده راحه شويه
مش منكم ابدا
والله راحه منى
انا بشوف مدونات كتيره كاتبه كلام كتير حلو
بيكون نفسى ادخل واعلق بس اللى بيحصل معايا
صده نفس عن كل حاجه
_____________________--
النهارده هفضفض كتير واكتب اللى جوايا
ولان المدونه دى محدش يعرفها كتير
وبحس فيها براحه
كبيره قوى
_______________________
للاول مره اشعر اننى عبء على الناس
اللى حواليا
او الناس اللى اعرفهم
بحس انى تقيل قوى معرفش ليه
ممكن يكون الاحساس ده احساس خاطىء
بس بجد بجد بجد
صعب على الواحد انه يستنى ان يشتكى لحد
ويلاقى الحد ده مشغول ومش فاضى
هنو غصب عنه بس هو الواحيد ا للى ممكن
يسمعك
وكمان اللى افظع من كده
لو كان حبيبك ده مخنوق وهو ما صدق انه يرتمى فى حضنك
ومتقدرش انك
تتكلم
وتسكت
وتشيل فى قلبك
ليه انا انتظر الناس ومعايا ربنا
ليه انا وحش كده قوى مع ربنا
ليه
ليه استنى حد اتكلم معاه
ولا افضفض ليه
انا عرفت انى غلطان
سامحنى يارب
________________________________--
الخنقه اللى انا فيها لا تضاها باى خنقه
فى اى يوم فى حياتى
انا مش عارف اقول ايه والله
لما تحس ان قلبك مخنوق وصدرك كده عليه جبل المقطم
ومش قادر تاخد نفسك
وكاتم دموعك وخايف ان حد ياخد باله منها
انا كده حصل معايا امبارح وممكن يكون هو ده سبب البوست ده
وشى حمر حمره كبيره خالص
ودماغى صدعت
وودانى صفرت والله وجائتنى حاله من القى ء من القرف والتعب
وهقول وهتكلم تانى
عنى
السبب الرئيسى للمدونه هو السبب اللى خلانى كده امبارح
وحسيت انى بجد مش لاقى القلب
__________________________________
الدنيا ايه فايدتها
انا عايش ليه ولمين وعلشان ايه
وانا ايه المميزات اللى فيا
وانا ليه قاعد فرحان بالماضى وحاضرى زى الزفت
ليه كده مفي تقدم فى حياتى
انا حضن حنين للى حواليا ومش لاقى حضن اعيط فيه
حتى ماما مش قادر انى احملها فوق طاقتها
____________________
كل اللى يشوفنى او يكلمنى يقولى ربنا هيكرمك علشان خاطر اخوك
انا حاسس انى مش مخلص معاه
وانى مقصر بحقه خالص وانى مش حاسس
انى عامل اللى عليا معاه وانى مقصر خالص معاه
بجد انا تعبان خالص
__________________________
فشل وضياع وقرف
خلانى اتوقف كتير عن التدوين
وانى محتاج هدنه معايا
انا عارف ان ده جلد ذات
وانه مش كويس خالص
وانى حتى لو فى انجازات فى حياتى
انانسيتها وافتكرت كل حاجه وحشه فى حياتى
لازم اغير للافضل
_____________
هى لحظه يأس
مش اكتر
هناك تعليقان (2):
محمود
ايه دا كلو
حرام عليك نفسك اوعى تظن ان في حدمرتاح ابدا والله
انت حامل جبل المقطم وانا حمله جبل افريست والتاني حامل جبل الاسكا
كل واحد وهمو بس تبقى الحياة حلوة
ولو مش حلوة لينا نردها غصب عن عينها حلوة السعادة ما بتتلقاش ببلاش
لازم ننتزعها
انا زعلانه بجدمنك
احنا رحنا فين
لليه احنا فتحين المدونات مش علشان نشيل
بعض
واالله زعلتني منك
وانا حخصمك
ابقى
صالحني ببوست مليان تفائل
واوعى اسمع خنقتك تاني
امال لما تتجوز وتجيب عيال حتعمل ايه حترمي نفسك في النيل
محمود
انا بكلمك زي مامتك خفف عن نفسك شويه حتتعب كده والله
تحياتي لك
عايزه ردك بسرعة وحش مدونتي وعلق بالغصب ولا فعلا حزعل منك
سلام
محمود
تصدقنى لو قلتلك ان اختك جايدا بتمر بكل ده واكتر شويه
وفكرت كتير زيك ابعد شويه
لكن ليه نبعد عن بعض ليه مانحطش ايدينا فى ايدينا بعض
ونهزم الياس والحزن
انت لازم تكون قوى انا حساك
وفهماك لكن على البعد مش موفقاك
مش انت لوحدك اللى حاسس بالياس والحزن والاحباط
لا فيه مننا كتير بس السؤال المهم
مين قدر يصمد وليه
فكر
اشكرك
تحياتى
إرسال تعليق