بسم الله الرحمن الرحيم
فضفضه
هل بنا نؤمن ساعه
بقايا انسان
حطام شاب
مكسور
تائه
احترت فى الاسماء
والفكره واحده
ولكن ليه انا اكسر نفسى بنفسى
ليه ما أرفعش من معنويات نفسى
واديها شحنه ايجابيه عاليه
زى ما الدكتور الفقى
ما كان بيقول
فكرت
انا عاوز ايه؟
جاوبنى
اللى هو انا
انا فى حاجات كتيره فى الناس اللى حواليا والاحوال
كلها مش
عاجبانى
ونفسى اغيرها
وغير كده لما انتقد او اقول الصح والغلط
احس انى فعلا غير
فى الزمن ده
مش عارف ليه
المهم
الووضع ده
معجبنيش
حسيت انى متربى غلط
يمكن
محبكها شويتين تلاته
اكيد
بس
فى فضفضتى
انا
اكتشف
الصح والغلط
احب النصيحه
والانتصاح
بس صعب
ان انسان يغير فيا
مش علشان
انا
يعنى
مغرور
انا اضعف
من الضعف
نفسه
ولكن
انا معرفش اتغيير
فعلا انا حاسس انى
غريب
فى
زمنى ده
هناك 8 تعليقات:
السلام عليكم ورحمة الله وبركاته
ايه الجمال دة ؟؟
مش فاهمة حاجة بصراحة
ههههههههههههههههههههه
حقرا وارجع تانى
no comment
انا مش فاهمة انت عاوز توصل لايه بالظبط
اسفة طبعا ان اول زيارة ليا هنا تبقى بالشكل دة
جنه الله
طبعا
حضرتك اول من يزور مدونتى
ويشرفها بالتعليق
واكيد
طبعا كل اللى زاروها
طبعا مفهموش حاجه من
الكلام ده
طبعا
ومحبوش
يحرجونى
ويقولوا الكلام ده
وكبروا دماغهم
ومعلقوش
واقولك
كمان
سر
متقوليهوش لحد
انا اصلا مش فاهم حاجه
بس بحاول
اوصل اللى جوايا
واغير
نفسى
واتغيير
وافضفض
واقول
انى
غريب
فى الزمن
ده
انا مش فاهم حد
ومحدش
فاهمنى
وبصراحه
مش عارف العيب فى مين
بس اكيد
العيب فيا
مش عارف اشرح
بس
فعلا اشكرك
على تعليقك
ومعلش انا
جديد
فى عالم
التدوين
ده
ولى سوابق فى
المنتديات
بس زهقت منها
وقررت انى
احاول ادون
شكرا
لكلامك
واتمنى مزيد من الزيارات
ومزيد
من النصائح
بس لى تعليق
صغير
انتى
صغنونه
قوى
كده ليه
وكلامك اكبر منى
ولا انا
اللى كبير قوى
كده
ليه وكلامى
اصغر منك
؟
شكرا لزيارتك مره تانيه
على فكرة العيب مش ف حضرتك
لو العيب فيك ماكنتش تبقى عاوز تتغير ولا كام هيبقى فى صراع كده
___
وبعدين حضرتك خطيت اول خطوات التغيير ومش لازم الكل هيبقى فهمك لانهم مش كلهم بيفكروا بنفس نمط تفكيرك وبالتالى هاتلاقى ناس كتير "مبلمة"
استمر اخى ولكن لا تتعثر "بمطبات "الطريق ولا تبالى وضع فى قرارة نفسك انك حتما ستصل الى هدفك وان طال الامد
ان الله لا يغير ما بقوم حتى يغييروا ما بأنفسهم
السلام عليكم ورحمة الله وبركاته
حقيقة ا لبوست شد انتباهي لأنه بيعبر تقريباً عن فئة كبيرة مننا
لية أنا شايف الغلط ومش قادر أغيره ؟؟
وليه أنا أساسا عايز أغيره وفي نفس الوقت لو جت الفرصة مش عايز أغيره ؟؟
هي مش بتكون مش عايز أغيره ..أد إني مش قادر أقوم وأغير
ومش قادر دي لا تعني قدرة بدنية ...لا قدرة نفسية
في التغيير قالوا ابدأ بنفسك ... زي ما حضرتك قولت كدا
ليه أنا مرفعش من معنوياتي بنفسي ؟؟
وزي ما حضرتك ذكرت " إن الله لا يغير ما بقوم حتى يغيروا ما بأنفسهم "
يعني البداية مني أنا
البداية من جوايا أنا
لازم تبص لنفسك وكل واحد فينا يب لنفسه ...لجواه
ويشوف إيه اللي فيه مكسور ومحتاج يتصلح؟؟
طيب هو يتصلح إزاي؟؟
يمكن أنا أصغر من حضرتك وفارق سن مش قليل
لكن خلينا نقيس عمرنا بالخبرة في الحياة
أنت خبرتك في الحياة كام سنة ؟؟
حاولت تعمل ايه قبل كدا ؟؟
أنهه طريق مشيت فيه ؟؟
لو جاوبت على كل دا بصراحة هتعرف انت فين وكنت فين وعملت ايه
والطريق اللي ادامك هيكون شكلة إيه ....
الغلط والصح
كلنا عارفين إيه الغلط وإيه الصح
وعارفين برده مش معنى إننا شوفنا ناس كتير غلط نكون زيهم إحنا كمان غلط
والإنسان بدون مبدأ ... ملهوش مكان ولا قيمة في الحياة
مبدأي إني أصلح الغلط ...
لكن ثواني
مش أي غلط... الغلط اللي ف حدود إيدي
الغلط اللي فيا
لكن الغلط اللي حواليا ..أنواع
فيه غلط أقدر أصلحه لو نصحت إللى أدامي ..هو هيسمع وهيصحح من نفسه ومن غلطه
لانه عايز يتصلح فعلا
وفي غلط ينفع أصلحه بإيدي ... لأني أقدر إني أصلحه بإيدي
وفي غلط كل مقدرتش فيه ... إني أصلحه بقلبي
الكلام دا جه منين ؟؟
من حديث الرسول عليه الصلاة والسلام
بيقول
من رأى منكم منكراً فليغيره ( طيب إزاي يا رسول الله )
بيده (طيب لو مش قادر أغير دا بإيدي أعمل ايه ) فإن لم يستطع فبلسانه ( النصيحة يعني ... طيب لو الغلط دا مقدرش أنصح صاحبه أعمل إيه ) فإن لم يستطع فبقلبه وهذا أضعف الإيمان
أقل مرحلة خاااااالص
تيجي أنت تقول بس أنا صعب أتغير وصعب أتغير
عشان أنا ضعيف... بس الحقيقة إن مفيش إنسان ضعيف
لكن في إنسان بيستضعف نفسه
طول ما أنت مؤمن بالله وعندك هدف عايز تحققه حتى لو صغير
وراضي باللي ربنا أداهولك وعندك قناعة
هتكون قوي
حس إنك قوي إنت ربنا معاك
بس أنت ناديه ... قوله يارب
متشتكتيش لحد ... اشتكيله هو .. قوله يارب
أنا تعبان ..أنا محتاجك ..يارب ...أنا محتاجك
مش هيسيبك لواحدك .. والله هتلاقيه معاك
طيب أنا مش عارف أبتدي منين أصلاً ولا عارف أروح فين
ولا عارف حاجه
أنت محتاج صحبة صالحة ومحتاج تقرب لربنا شوية ؟؟
صدقني لو دول معاك (الصحبة الصالحة والطريق الصح ) هتعرف ساعتها إنت المفروض تعمل ايه ؟؟وتصلح إزاي
حتى لو حاجه أكبر منك ومش عارف تصلحها..بس ساعتها انت هتعرف إزاي تصلحها
أنت واجبك ايه ؟؟
بلاش نكون ضعفاء وسلبيين لدرجة إن كل حاجه تضييع مننا
كفاية اللي ضاع ...واللي باقي خليه ناجح قدر الإمكان
عايز حد يساعدك ؟؟
ادخل هنا اسمع المحاضرات جميلة أوي
www.manhag.net
دا موقع للشيخ هاني حلمي
اسمع دروسه والله جميلة ... معاه هيشوف مشكلتك إيه ويديك حلهاا... أوى متدخلش ومتسمعش
هتفوتك حاجات حلوة كتير
عايز صحبة صالحة وعايز تبتدي تغير ف نفسك وفي اللي حواليك ؟؟
عايز يكون ليومك ولحياتك معنى وقيمة ؟؟
ادخل هنا.. هنا الصحبة الصالحة وهنا التغيير
www.way2allah.com
وابتدي طريقك لربنا
صدقني لو لقيت طريقك لربنا صح .. عمرك ما هتحس بالضعف لأنك قوي بالله
وعمرك ما هتحس بالأنكسار لانه هيكفيك ساعتها إنك تقول
يارب اجبر كسري
عمرك ما هتكون فقير لأنه الغني
ولا وحيد لانع معاك .. سامعك وشايفك وفاهمك
وعارف اللي جواك قبلك
بس كل اللي عليك إنك تقول يارب
عارفه إني طولت جامد .. بس لأني مجربة وكنت محتاجه ساعتها حد يقولي الكلام دا
وافتكر بداية الطريق والتغيير من الموقعين اللي فوق دول
وطبق اللي تسمعه واللي تشوفه
هتلاقي الدنيا بقت حاجة تانية
اسأل الله أن يفرج همك ويغفر ذنبك وييسر لك
خابت بك ظنوني
امل الاسلام
صعب الواحد يلاقى حد يفهمه
او صعب انه يطلع اللى جواه
والتغيير صعب
ومن سار على الدرب وصل
ومن ادرك النور الذى على الدرب
ادرك ان اليقيقن بالله فى التغير
والثقه بالله
\والتغيير
شكرا اخيتى برضو معرفتش اطلع اللى جوايا
عزيزتى
خاب بك ظنونو
اسعدى مرورك
وفرحت
انى مش االوحيد
فى
الدنيا كده
وشكرا على المواقع الحلوة دى
ربنا يجعله فى ميزان حسناتك
إرسال تعليق